Eis Equipe | dogwalker

LUCIANO

De Luciano ass de Besëtzer an den Grënner vun Dogwalker.lu. Hien huet iwwert 10 Joer Erfarung mat Hënn. Mat sengem Hond Chica huet hien den éischten Dogwalking Service, den dogwalker.lu zu Lëtzebuerg gegrënnt. Domat geet et net duer, hien huet säi Wëssen a ville Seminairen mat deene beschten Hondstraineren aus Däitschland, dem Pia Grönig an dem Manuela Zaitz erweidert. D'Chica huet hien leider verlooss an ass elo am Hondshimmel, mee hatt wäert ëmmer mat der Grënnung vum Dogwalker an Erënnerung bleiwen an natirlech an deene ville Filmer, wou hatt matgespillt huet. Déi zwee, de Luciano an d'Chica waren dat beschten Honds-Mënsch Team wat Lëtzebuerg bis elo gesinn huet.

Lisa

D’Lisa ass eis Zuelenfee an di frëndlech Persoun hannert de béise Rechnungen 😉 Mä d'Lisa ass och de léiwe Mënsch dee Iech op är Mailen äntwert, dee iech moies mat engem Laache begréisst an dat wat alles géif maache fir dass et den Deieren (och déi di net bei Dogwalker sinn) gutt geet. Hat ass d'Assistentin an der Direktioun an ass ëmmer hëllefsbereet.

IRIS

D’Iris ass eng zertifiéiert Hondstrainerin déi mat Dogwalker zesummen schafft. Säin Ziel ass d’Kommunikatioun am Alldag mat eisen Hënn ze erliichteren. Och d’Dogwalker-team profitéiert ëmmer erëm vu sengem Wëssen an Rood. Leiert hatt besser kennen op dogtalk.lu

FILIPPE

De Filippe, virun Dogwalker beim Militär, gouf an der Divisioun canine ausgebilt. Seng Erfarung kennt vun Jorelaanger Passioun un der Aarbecht mat Hënn. Seng Konzentratioun, Pünktlechkeet an d’Aen vir den Detail kommen vum Militär, wat awer senger oppenen, frëndlecher an hëllefsbereeter Aart net schued. De Filippe ass e Paradebeispill vir di haart Surface, melle Kär.

NICOLAS

Mir sinn frou den Nicolas bei eis am Team ze hunn. Hien huet selwer vill Hënn, déi en erzitt an trainéiert. An dëst Wëssen bréngt en bei all Tour mat eran. Wann der Ären Hond mam Nicolas matschéckt, wësst der dass en a gudden Hänn ass.

Delphine

Vu wou kritt d'Delphine all dei Energie? All moies ass hat mat gudder Laun op der Aarbecht, verbréngt säin Dag mat sportlechem Fouss an a Virsiicht zu senge Muppen am Bësch an wann et Heem kënnt geet et direkt erëm eraus mat sengen eegene Muppen, ouni säi Päerd au Passage ze vergiessen. Wann dat net genuch wier, huet d'Delphine ënnert sengem Hutt Pokaler déi hat mat sengem Schéiferhond an obedience Klasse gewonnen huet. Also fir mat him matzehalen, muss e frei opstoen 🙂

ÉMILIE

D’Émilie, d’Dickelchen bei eis am Team. No sengem Psychologies-Studium an enger Aarbecht mat Kanner huet hat entscheet senger Passioun vir Hënn och am Beruff nozegoen. Duerch seng 2 Hënn huet d’Emilie selwer en Dogwalker gebraucht a versteet doduerch souwuel Hënn wei och Client a wat vun engem Dogwalker erwaart get….an hat huet bewisen, dass et dëst excellent mécht. Als Extra ass d’Émilie en plus eng brillant Photographin an deelt fantastesch Biller vun de glécklechen Hënn vun sengen Trëppeltier.

MARTINE

D'Martine ass eise multiplyvalenten Employé. Mat räichlech Erfarung am Hondssport, Training a Benevolat an de Déierenasyler ass seng Haapttâche bei ons d'Privat, d'Trainingsgruppen an d'Kommunikatioun vun der Firma an de Employée zesummen ze regroupéieren. Dir gesitt hat och op de Spadséiergäng well wann mer polyvalent ass, kann een och alles. Mat enger ëmmer positiver Astellung gëtt all Situatioun gereegelt, sief dat am Büro, mam Personal oder beim Training vun äre Muppen. Zesumme mam Iris organiséiere déi 2 déi engageierst Trainings-Stonnen an der Stad, zweiwellos.

CEDRIC

Wann de Cédric duerch Dier moies kënnt, wierkt et esou als op dobaussen d'Sonn géing schéngen, och wann et riicht era reent. Dëse gutt gelaunte Mënsch ass ustiechend a bréngt an der Equipe ëmmer eng positiv Attitüde. Hien këmmert sech haaptsächlech ëm d'Muppen an der Crèche. De Bouf huet virdrun an engem Déierenasyl geschafft a wann een hie gesäit, versteet een direkt wann mer soen dass de Jong fir d'Deieren d'Häerz um richtege Fleck huet.

AUDREY

Wat d'Audrey am beschte beschreift ass eng global gutt Erfahre Persoun. Mat Joere Experienz am Reitstall weess Sie genau wei ee méi Päerd zesumme feiert. Hat huet geleiert dass et de Charakter ass dee d?Deier beweegt. Mir si frou hat säit Mëtt 2019 derbäi ze hunn.

Philosophy vun Dogwalker.lu

Dogwalker.lu ass aus der Nout entsta, professionel a sëcher Spadséiergäng fir all Hond ze Lëtzebuerg ze bidden.

De Luciano huet viru Joren selwer, ouni Gléck, no sou engem Service gesicht. Keen konnt him d’Sëcherheet vu sengem Hond oder professionelt Wëssen während de Spadséiergäng garantéieren.

2010 huet Dogwalker seng eicht Schrëtt gemach.

Fir d’Sëcherheet vun Ärem Hond an de Climatiséierte Camionetten ze garantéieren, huet Dogwalker.lu iwwert 5000€ un Equipement pro Auto investéiert. Ären Hond gëtt net nëmmen a senger individueller Hondsbox transportéiert, mee déi Këschten goufe vun der weltbekannter Firma Kleinmetall extra op Mooss fabrizeiert.

Kleinmetall Këschten sinn net nëmme certifiéiert, mee si sinn Crash Test geprüft an hunn de TÜV Siggel.