• lu
    • en
    • fr
  +352 661 991 661 - info@dogwalker.lu
LUCIANO

LUCIANO

De Luciano ass de Besëtzer an den Grënner vun Dogwalker.lu. Hien huet iwwert 10 Joer Erfarung mat Hënn. Mat sengem Hond Chica huet hien den éischten Dogwalking Service, den dogwalker.lu zu Lëtzebuerg gegrënnt.
Domat geet et net duer, hien huet säi Wëssen a ville Seminairen mat deene beschten Hondstraineren aus Däitschland, dem Pia Grönig an dem Manuela Zaitz erweidert.
D’Chica huet hien leider verlooss an ass elo am Hondshimmel, mee hatt wäert ëmmer mat der Grënnung vum Dogwalker an Erënnerung bleiwen an natirlech an deene ville Filmer, wou hatt matgespillt huet. Déi zwee, de Luciano an d’Chica waren dat beschten Honds-Mënsch Team wat Lëtzebuerg bis elo gesinn huet.

ALEXANDRA

ALEXANDRA

Leiert d’Alexandra kennen, eise Päerd Experten 🙂 . Et kéint een sech froe wei ee vum Päerd op den Hond kënnt mä mir mengen et versteet sech vu selwen dass wann ee scho säit 2010 als Cavalière a groomer fir d’Päerd schafft dass een dat net duerch Zoufall mëscht mä well een e richtegen deiere Frënd ass. Mat sengem Border Collie mix Looney sinn di zwee eng Wonnerbar Additioun zu eiser Equipe.

CAROLINE

CAROLINE

D’Caroline ass eis Zuelenfee an di frëndlech Persoun hannert de béisen Rechnungen 😉
Vu dass d’Caroline selwer Cliente bei Dogwalker ass weess hatt genau wei wichteg et ass vertrauenswierdeg a reaktiv ze sinn.

IRIS

IRIS

D’Iris ass eng zertifiéiert Hondstrainerin déi mat Dogwalker zesummen schafft. Säin Ziel ass d’Kommunikatioun am Alldag mat eisen Hënn ze erliichteren. Och d’Dogwalker-team profitéiert ëmmer erëm vu sengem Wëssen an Rood. Leiert hatt besser kennen op dogtalk.lu

FILIPPE

FILIPPE

De Filippe, virun Dogwalker beim Militär, gouf an der Divisioun canine ausgebilt. Seng Erfarung kennt vun Jorelaanger Passioun un der Aarbecht mat Hënn. Seng Konzentratioun, Pünktlechkeet an d’Aen vir den Detail kommen vum Militär, wat awer senger oppenen, frëndlecher an hëllefsbereeter Aart net schued. De Filippe ass e Paradebeispill vir di haart Surface, melle Kär.

ANAÏS

ANAÏS

An hei hu mer eist Anaïs. Mat him a sengen Hënn ënnerwee ze sinn mécht ëmmer erëm Freed. Egal wei seng Grupp zesummegestallt ass, hat bréngt et fäerdeg dono eng friddlech Band doraus ze maan. Mee kee Wonner, een deen Hënn, Katzen a Päerd doheem huet ass de gebuerenen Dogwalker.

NICOLAS

NICOLAS

Mir sinn frou den Nicolas bei eis am Team ze hunn. Hien huet selwer vill Hënn, déi en erzitt an trainéiert.  An dëst Wëssen bréngt en bei all Tour mat eran. Wann der Ären Hond mam Nicolas matschéckt, wësst der dass en a gudden Hänn ass.

KATJA

D’Katja huet bei Dogwalker alles fonnt wat et an sengem Beruff gesicht huet: Hënn an Autoen.
Seng positive Ausstralung an d’Sécherheet déi hatt sengen Hënn bitt maachen aus dem Katja e wäertvollen Dogwalker.
D’Katja gëtt ganz besonnesch schwaach bei klengen Hënn, huet et dach selwer Chihuahuae.
Des weideren këmmert d’Katja sech em d’Instandhaltung vun den Dogwalker Autoen, Seng Erfarung a säin gutt Aen sinn ganz wäertvoll vir sécher ze stellen, dass Hond a Mënsch ëmmer sécher ukënnt.

ÉMILIE

D’Émilie, d’Dickelchen bei eis am Team. No sengem Psychologies-Studium an enger Aarbecht mat Kanner huet hat entscheet senger Passioun vir Hënn och am Beruff nozegoen.
Duerch seng 2 Hënn huet d’Emilie selwer en Dogwalker gebraucht a versteet doduerch souwuel Hënn wei och Client a wat vun engem Dogwalker erwaart get….an hat huet bewisen, dass et dëst excellent mécht.
Als Extra ass d’Émilie en plus eng brillant Photographin an deelt fantastesch Biller vun de glécklechen Hënn vun sengen Trëppeltier.

Philosophy vun Dogwalker.lu

Dogwalker.lu ass aus der Nout entsta, professionel a sëcher Spadséiergäng fir all Hond ze Lëtzebuerg ze bidden.

De Luciano huet viru Joren selwer, ouni Gléck, no sou engem Service gesicht. Keen konnt him d’Sëcherheet vu sengem Hond oder professionelt Wëssen während de Spadséiergäng garantéieren.

2011 huet hien dunn Dogwalker.lu gegrënnt.

Fir d’Sëcherheet vun Ärem Hond an de Climatiséierte Camionetten ze garantéieren, huet Dogwalker.lu iwwert 5000€ un Equipement pro Auto investéiert. Ären Hond gëtt net nëmmen a senger individueller Hondsbox transportéiert, mee déi Këschten goufe vun der weltbekannter Firma Kleinmetall extra op Mooss fabrizeiert.

Kleinmetall Këschten sinn net nëmme certifiéiert, mee si sinn Crash Test geprüft an hunn de TÜV Siggel.

Dozou kënnt, dass den Dogwalker.lu an Zesummenaarbecht mat der Lalux ass, an déi éischt Déirenassurance zu Lëtzebuerg opzeweisen huet. Dës Assurance ass speziell fir Dogwalker.lu entworf ginn.

Zu gudder Läscht ass do nach de Josy Welter, dee beschtbekannte lëtzebuerger Déierebuttek. Den Dogwalker.lu ass natirlech stolz zënter der Grënnung stolz, Hand an Hand mat der Firma Josy Welter de offiziellen “fournisseur de la cour” ass zesummen ze schaffen.